وعليكم السلام ورحمة الله
الأربع شهور دول لو كنت استخدمت دولينجو كل يوم لمدة ساعة كان زمانك A2
بسهولة، ويمكن أعلى.
المشكلة في الكورسات انك معتمد عليها بشكل كامل، مش بتعتبرها حاجة تكميلية.
للأسف معظم الكورسات بيكون التطور فيها بطيء نظراً انهم بيتعاملوا بالكيلو مش بيبقى عندهم منهج ثابت لكل الناس.
مع ان الناس مختلفة، والطريقة اللي تنفع معاك مش شرط تنفع مع غيرك.
الحل انك تحل كل يوم درس على دولينجو..درس بمعنى درس كامل، يعني موضوع كامل.
بعد 3 شهور هتكون حليت 90 درس متنوع بكلماتهم وقواعدهم.
وتقرا كل يوم خبر بتفاصيله من اي موقع بالانجليزي وتحاول تفهم هما بيتكلموا على ايه، وطبعاً مش هتفهم في الأول عادي، وتطلع من كل خبر 5 كلمات تدور على معناهم وتكتبهم في جملة.
ومع الكلام دا تحاول تكتب صفحة كل يوم تحكي فيها عن يومك وتقول رأيك، وبعدين تصحح أخطاءك عشان متكررهاش تاني.
دي الحاجات اللي تخليك تطور اللغة بشكل سريع في البداية لحد ما توصل لمستوى متوسط.
وفي الفيديو دا شوية نصايح ومصادر تانية ممكن تفيدك.
بالتوفيق.